ფახიტა (ან ფახიტასი) მექსიკური სამზარეულოს ერთ-ერთი გამორჩეული კერძია, რომელსაც მთელი მსოფლიოს მასშტაბით ძალიან ბევრი მოყვარული ჰყავს. ტრადიციულად - შეკმაზული შემწვარი ხორცისა და ბოსტნეულის მასაა. ძირითადად ამზადებენ საქონლის ხორცისაგან, თუმცა კერძის სხვა ბევრი ვარიაციაც შეიძლება შეგხვდეთ - ქათმით, ინდაურით და კრევეტებითაც კი.

მომზადების დაახლოებითი დრო - 40 წუთი

პორცია რეცეპტის მიხედვით - 2 ადამიანზე

მომზადების სირთულე - საშუალო

რეცეპტში გამოყენებული ინგრედიენტები:

ფახიტა

• პინარის ინდაურის ფილე - 100გრ
• ყვითელი ბულგარული წიწაკა - 30გრ
• წითელი ბულგარული წიწაკა - 30გრ
• მწვანე ბულგარული წიწაკა - 30გრ
• წითელი ხახვი - 40გრ
• ნიორი - 2ც
• ძმარი - 5მლ
• ლიმონის სოუსი - 10მლ
• სოინჯის მარცვალი - 5გრ
• პაპრიკა - 5გრ
• შაქარი - 5გრ
• მარილი - გემოვნებით
• შავი წიწაკა - გემოვნებით
• ზეითუნის ზეთი - 30მლ
• ორეგანო

გუაკამოლე

• ავოკადო - 1ც
• წითელი ბულგარული წიწაკა - 20გრ
• წითელი ხახვი - 20გრ
• ლიმონის სოუსი - 20მლ
• მარილი - გემოვნებით
• შავი წიწაკა - გემოვნებით

მომზადების წესი:

 ფახიტა

• დაჭერით ყველა ინგრედიენტი წვრილად სიგრძეზე
• შეურიეთ ერთმანეთს: ძმარი, ლიმონის სოუსი, სოინჯის მარცვალი წითელი წიწაკა, პაპრიკა, შაქარი, მარილი, შავი წიწაკა, ორეგანო და ზეითუნის ზეთი
• დაჭერით ნიორი ძალიან წვრილად და შეურიეთ
• ცხელ ტაფაზე მოასხით ზეითუნის ზეთი და გადაიტანეთ დაჭრილი ინდაურის ფილე
• დაამატეთ ბოსტნეული და შეწვით კარგად (დარწმუნდით, რომ ინდაურის ხორცი შეიწვა ბოლომდე)

გუაკამოლე

• დაჭერით წითელი წიწაკა და წითელი ხახვი წვრილად
• გაარჩიეთ ავოკადო, ამოაცალეთ გული, დაჭერით, შეურიეთ ლიმონის სოუსი და მოამზადეთ ავოკადოს პიურე
• შეურიეთ ავოკადოს პიურეს დაჭრილი წითელი წიწაკა, წითელი ხახვი, მარილი და წიწაკა
• გემრიელად მიირთვით